окоп

жеке құрамның, әскери техниканың жою құралдарынан сақтануына және атыс жүргізуіне арналған ашық түрдегі фортификациялық құрылыс. О. атқыштық, ұялы, артиллериялық минаатқыштық, пулеметке, сонымен қатар танкілерге, ЖҰМ, БТР және басқаларға арналған болуы мүмкін. Атқыштар О-та орналастырылған атыс құралдарының санына байланысты жекелеген (жатып, тізерлеп, түрегеп тұрып ату үшін), қосарланған (топтық) немесе бөлімшеге арналған (атқыштар, пулеметшілер және т.б.) болып бөлінеді. Жекелеген және қосарланған (топтық) атыс О. ордан, топырақ қалқаннан, жиектен (топырақ қалқанның ішке құламауы үшін ені 10 см-ге жуық жиек) және қаруды орналастыруға арналған алаңшадан тұрады. Автоматтан, пулеметтен, танкіге қарсы қол гранат-атқыштан атуға арналған жекелеген және топтық (2—3 адам үшін) атыстық окоп (ұзындығы 50—60 м.) өзара ұзын орлармен қосылады. Әдетте, бөлімшеге арналған О. запастық пулемет және граната атқыш алаңдармен, жеке құрамды қорғау үшін жертөлемен, оқ-дәріге, азық-түлікке және су жіберуге арналған ұялармен жабдықталады. Артиллериялық және минаатқыштық О. оқ-дәріге арналған ұялармен жеке құрамды қорғауға арналған жертөлемен жабдықталған жырашықтармен қосылатын алаңшадан тұрады. Танкіге қарсы зеңбіректер алаңшасы тікелей жер бетінде жабдықталуы және топырақтан үйілген қалқаны болуы мүмкін. Басқа жағдайларда алаңша терең орға орналастырылып, аппарельмен жабдықталады. Танкіге, ЖҰМ, БТР-ға және басқа техникаларға арналған О. аппарелі, жеке құрамды қорғайтын жертөлесі, кейде оқ-дәрі сақтауға арналған ұясы бар терең шұңқырдан тұрады. О. өлшемдері оған орналастырылатын техниканың габариттеріне байланысты анықталады.